نكت جااااامدة موت

مرة واحد اطرش وقف تاكسى اطرش برضة قاله مصر الجديدة؟قاله لا والله انا رايح مصر
الجديدة رد الراجل وقال معلش انا كنت فاكرك رايح مصر الجديدة

..........

كان فى قرية كلها اغبياء وكان فيها حفرة كل
الناس بتقع فيها تتعور
العمدة جمع ازكى 3 فى القرية علشان يحلو المشكلة
اول
واحد قال :احنا نبنى مستشفى حنب الحفرة اللى يقع يتعالج
العمدة:انت غبى
اوى
ثانى واحد:احنا نجيب اسعاف حنب الحفرة اللى يقع تشيله
للمستشفى
العمدة:انت اغبى منه اقعد
الثالث:يا حضرة العمدة احنا نردم الحفرة
دى ونعمل واحدة ثانية حنب المستشفى!!!!!!!!!!!

..........

مرة اثنين صعايدة ماشيين فـ الصحرا ...طلع
عليهم اسد...راح واحد منهم رمى عليه طوبة وطلع يجرررررررى...وبص وراه لقى صاحبه
واقف ما بيجريش قاله مش بتجرى ليه ؟قاله واجرى لية؟هو انا اللى
ضربته!!!!!!!

........

محشش جابوه للقاضى
قاله لو قلتلى 10 حاجات بتعملها من ساعة ما تصحى لغاية ما تنام وتكون بتيدأ بحرف
الالف حسيبك قاله المسطول:اجيبها واحرقها وافرطها والفها واولعها واعمرها وامخمخ
انسطل اطفيها انام

..........

واحد غبى راكب
مع ابوه العربية ابوه قاله اقفل الشباك يا ولد الجو برد الولد قاله يا سلام اما انت
عليك تقاليع هو انا يعنى لما اقفل الشباك الدنيا بره هتحرر

..........

اثنين زهقوا من التريأة عليهم فسافروا الهند
اول ما نزلو من الطيارة لقوا الهنود بينحنوا ليهم علشان يحيوهم فواحد بيسأل الثانى
هم بيحترمونا كدة لية؟ قاله اصلهم هنا بيعبدوا البقر

.........

مرة اثنين اغبيا عندهم حصانين عايزين يعلموهم
علشان ما يتلخبطوش بينهم الاول قطع ودن الحصان وراح قال للثانى فالثانى قاله ااه
يخرب بيتك انت بردك عملت كدة فالاول راح فقع عين الحصان وراح قال للثانى فقاله
الثانى ااه يخرب بيتك انا بردك عملت كده فالاول قاله انت هتصدعلى دماغى خد انت
الحصان الاسود وانا هاخد الحصان الابيض



صبى كسلان جدا شغال فى ورشة
كل اما المعلم يقوله هات مفك يقوله كمان شوية.....بكرة.......مش وقته وفى يوم لمبة
الورشة اتحرقت المعلم قاله ركب اللمبة قاله دى حاجة سهلة اوى وشاله المعلم على كتفة
واستنى دقيقة دقيقتين ربع ساعة ما فيش حاجة ركبت قاله المعلم انت ما ركبتش حاجة
لية؟قاله اللمبة قلاووز وانت ما بتلفش يا معلم

.....

اثنين حرامية دخلو بيت...واحد منهم دخل البلكونة
شوية وصاحب البيت دخل عليه فقاله انت بتعمل اية هنا قاله انا كنت بحارب اليهود
بالطيارة وبدمر فيهم لحد ما طيارتى عطلت ونطيت بالباراشوت فى بلكونتك قاله ايوة كدة
تعجبنى مش الثانى اللى قاعلى فى البانيو وبيقولى انا من الضفادع
البشربة

........

صعيدى راكب فى طيارة
ايرانية كل ركابها شيعة جاهم مطب صناعى صاحو كلهم يا على جاهم مطب ثانى فصاحو باعلى
صوتهم يا على استغرب الصعيدى المسكين من الموضوع طبعا ما هو فاهم الطبخة فجاهم مطب
ثالث فصاحو كلهم يا على فقام الصعيدى وصاح باعلى صوته جرى اية يا على ما تسوق
كويس

.........

واحدة بتوصى بنتها :تخلى
بالك من تصرفات جوزك يعنى لما يرجع من الشغل تبصى على كتفه لو لقيتى شعرة صفرة
قوليله مين الشقرا اللى كنت معاها ولو لقيتى شعرة سودا قوليله مين ام شعر اسود اللى
كنت معاها .رجع جوزها قعدت تدور على كتفه ما لقيتش حاجة قالتله لااااااا الحركات دى
مش عليه مين القرعه اللى كنت معاها



................

_واحد قبل ما يموت جمع ولاده الثلاثة وحب يوصيهم يفضلو ايد واحدة واعطى
لكبيرهم عود خشب كسره بسهولة اعطاه اثنين كسرهم بسهولة اعطاه خمسين كسرهم بسهولة
قالهم طالما معاكم البغل ده مفيش خوف عليكم

_واحد كسلان اتحكم عليه بالاعدام
بدفنه فى حفرة فقالو له نفسك فـ اية قبل ما تموت قالهم نفسى اشرب قالو له قوم اشرب
قالهم لسه حقوم اردم اردم

_واحد باشا الزمن دار عليه وافتقرحب يشتغل اشتغل
بتاع فجل وجرجير وقف فى السوق وهو لابس الطربوش وبيقول فجل يا حوش جرجير يا
كلاب

_اثنين كفار قعدو علشان ياكلو واحد قال بسم الله الرحمن الرحيم الثانى
قاله انتى نسيت اننا كفار قاله اه صحيح استغفر الله العظيم

_مرة واحد مسطول
لقى كنز قال كويس يبقى فاضل الخريطة

_مرة واحد بخيل اوى خبط فى حيطة اتعور
جامد اوى وقعد ينزف شافه واحد عسكرى قاله اشوفلك دكتور قاله لأ شوفلى حد يشترى الدم
اللى نازل ده

_واحد رخم عرف ان الاموات بتحس وبتسمع اللى بيحصل حواليها راح
الترب وشغل الكاسيت على العالى باغنية الحياة حلوة

_مرة واحد سكران بيوقف
تاكسى وساله فاضى يا اسطة قاله ايوة قاله طيب ما تيجى تقعد معايا
شوية

_كمسرى بيقول لابنه تذااااااااااااااااااااااكر تنجح

_مرة واحدة
وحشة اااااااوى دخلت الحمام فابتقول اعوذ بالله من الخبث والخبائث فالشيطان قالها
من غير ما تقولى انا كدة كدة خارج

_زوج بيبكى فى جنازة مراته سألوه كنت
بتحبها قالهم لأ بس سمعت ان البكاء بيعذب الميت

_مدرس بيقول لطالب ادخل كلمة
-ناقص- فى جملة قاله :وناقص تقولى اعربهالى كمان

_واحد كسلان قوى دخل
الامتحان قلمه وقع سلم الورقة

_واحد صعيدى بيعاكس وحدة فى التليفون قالتله
انتى صعيدى قالها ينعل ابو اظهار الرقم

_محشش امه صحته علشان يصلى الجمعه
قالتله قوم الامام بيخطب قالها ربنا يتمم بخير

_مرة واحد شاف واحد زعلان
قاله انت زعلان ليه قاله والنبى شبسى فى حالى قاله ليز قاله ابويا كرنشى من البيت
قاله ياعم قلبظ دماغك

_واحد ندل واحد حرامى اتفقوا يعلمو بعض فالحرامى علم
الندل السرقة وقاله علمنى الندالة راح بلغ عنه البوليس

_مرة ابو العربى خبط
خمسين واحد بعربيته فظابط القسم قاله بقه تموت خمسين واحد بعربيتك يا ابو العربى
قاله قولى انت يا باشا انا ماشى بعربيتى وما فيهاش فرامل وفى اثنين على يمينى وفرح
فيه خمسين واحد على شمالى ادخل فين قاله يمين قاله ما انا عملت كده موت واحد
والثانى جرى على الفرح اسيبه!!!!!!!!!!!!

_مرة واحدة قاعدة مع جوزها فى جو
رومانسى قالت لجوزها قولى كلمة حلوة قالها بسبوسة قالتله لأ كلمة تهزنى قالها
مرجيحة قالت كلمة تحسسنى انى مراتك قالها انتى طالق

_مرة طالبة مشاغبة
المدرس اشتكاها للمدير فالمدير بعتلها وقالها عملتى اية قالتله ولا حاجة رميت وردة
من الشباك قالها بس كدة قالتله اه بعد شوية لقى طالبة مدغدغة ومكسرة قالها مين اللى
عمل فيكى كدة قالتله انا وردة اللى اترميت من
الشباك


...............

ههههههههههههه
تسلم ايدك يا shimaa

ميرسى يا احمد

ميرسى يا حسين


[ندعوك للتسجيل في المنتدى أو التعريف بنفسك لمعاينة هذه الصورة]