قصة رومانسية جدا وواقعية ادخل حالا هتندم لو مدخلتش والله

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

نبتدى القصه ابدأ بأول القصة
اسمها
الحب الحقيقي
ابطالها سمسم وسمسمة
مش هنقول اسماء حقيقية اوك
المهم نبدأ

الفصل الاول
(النظره الاولى)

يخرج سمسم من المسجد بعد صلاة العصر يسمع همسات و همهمات من اعلى.ينظر لاعلى للفضول ليس اكثر ويراها لاول مره تقف في البلكون ولم تلاحظه سمسمه
يستمر سمسم في السير الى منزله المجاور للمنزل و هو يتساءل .... من تكون؟كيف لم اراها من قبل و هى جارتى؟يا ترى في سنه كام؟ اسمها ايه ؟بنت مين؟؟؟؟؟؟؟؟؟؟؟؟؟؟؟؟اذاكر احسن بلاش كلام فاضى انا في ثانويه لسا يامه هقابل.........
..............................................؟

الفصل الثانى
(النظره الثانيه)

في الصباح الباكر يخرج سمسم من المنزل للذهاب الى المدرسه ليجدها امامه تلبس اليونيفورم الرمادى في طريقها للمدرسه و تلك المره نظرت اليه رأت في عينيه جميع التساؤلات و الحيره و رأى في عينيها الحيره و التشوق لمعرفته و لكن هناك سؤال جديد يطرح نفسه......
اشمعنى اشوفها مرتين ورا بعض مع انها جارتى ؟
هو ده اللى اسمه النصيب و لا ايه؟؟؟؟؟؟؟
المهم كل واحد راح مدرسته و خلصت الليله.
.............................................

الفصل الثالث
(الخطوه الاولى)

بعد عدة ايام..............الساعه تقريبا 7 مساءا
.سمسم في طريق العوده للمنزل من احدى الدروس الخصوصيه .:ايه ده سمسمه هى كمان راجعه من الدرس. ايه ده المطره بتنزل. ايه ده دى مش لابسه جاكيت . هى دى الفرصه ...........
سمسم قرب من سمسمه شال من على كتفه جاكت تقيل كان لابسه .
ولاول مره كلمها :ممكن تاخديه انا لابس تقيل و انتى مش لابسه حاجه تحميكى من البرد و المطر.
سمسمه" انا اسفه مش هينفع انا معرفكش و بعدين البيت مش بعيد.
سمسم" عادى خديه و بعدين ابعتيه على بيتى مع اى حد من عندك اخوكى او ابقى اخده منك بعدين بس بسرعه علشان المطره بتزيد.
اخدت سمسمه الجاكت واستسلمت لذوق صاحبنا سمسم و طبعا مع شوية اقناع من الثالث<الشيطان>............................
................................................

الفصل الرابع
(الخطوه التانيه)

بعد يوم او يمكن يومين و فى نفس الميعاد سمسم نازل من البيت رايح المدرسه و سمسمه هى كمان رايحه المدرسه . استنوا استنوا ايه ده .....
دى سمسمه في ايديها الجاكت .
قربت سمسمه من سمسم و قالت: انا متشكره اوى اوى على موقفك النبيل يا....
هو انت اسمك ايه؟
سمسم: انا اسمى سمسم و انتى .؟
سمسمه: انا سمسمه .انت في سنه كام؟
سمسم: انا في تالته ثانوى و انتى ؟
سمسمه: انا في اولى ثانوى . انا اسفه مش هقدر اكمل كلام معاك ممكن حد يشوفنا .اوكى.
سمسم : اشوفك تانى امتى؟
سمسمه: سيبها للنصيب احسن
سمسم: ياه البنت دى اموره اوى انا ازاى معرفش حاجه عنها انا النهارده لازم اعرف عنها كل حاجه من صاحبى اللى ساكن تحتهم
سمسم:. ياه الواد ده يجنن انا هسأل عنه اصحابى ممكن حد يعرفه
................استنوا شويه ده في حاجه غريبه اوى اوى
صاحبنا سمسم سأل جار سمسمه عنها و كان الرد
"يا ابنى دى بنت ساهله و اى حد يكلمها بتكلمه انا عن نفسى زهقت منها و من الكلام معاها تاخد نمرتها لو عاوز؟" يا دى المصيبه دى طلعت مش مؤدبه انا افتكرتها معجبه بيا يلا مش مشكله انا المهم انى بتكلم معاها زى اصحابى ما بيكلموا بنات . اشمعنا انا ما يكونش ليّا تجارب و احب و اتحب هو انا وحش ولا ايه؟
...........امّا سمسمه لمّا سألت عن سمسم عرفت انه ولد ملوش في الحكايات فقالت " الواد ده لسّه خام امّا اشتغله شويه"
..........................................
الفصل السادس
( البدايه)

بعد كام يوم....... الساعه7 مساءا
سمسم راجع من الدرس و سمسمه راجعه هى كمان...............
سمسم : ازيك يا سمسمه.
سمسمه: ازيك يا سمسم عامل ايه؟
سمسم: انا كويس . ممكن طلب صغير ؛ ممكن اخد رقم تليفونك؟
سمسمه : لا طبعا انا اسفه ما اسمحلكش انك تكلمنى في البيت؛
سمسم: ليه ، انا مش هديها لحد و هكلمك في الوقت اللى تحدديه ، ولو مش عاوزه بلاش.
سمسمه: انا مش قصدى بس انا عندى اخويا و ماما وبابا و مش بيخلونى اتكلم براحتى ، بس اقولك ممكن اديك الرقم بس تطلبنى بعد الساعه 12 اوكى.
سمسم: ايوه كده هو ده الكلام المعقول.
سمسمه : باى بقه البيت قرب.
..............................
و فنفس اليوم الساعه 12 بالتمام اول مره سمسم يكلم سمسمه في التليفون
سمسمه: هاى سمسم انت بتذاكر؟
سمسم : هو اللى يكلمك يعرف يذاكر، انا مش عاوز اعمل اى حاجه غير انى اكلمك و بس.
سمسمه : انا على فكره سألت عنك اصحابى
و قالولى انك شاطر اوى و كمان مجموعك كبير و بتطلع من الاوائل.
سمسم: ايه ده انتى سألتى عنى مين ؟ هو في حد يعرفنى؟
سمسمه: طبعا يا ابنى ، البنات ما وراهمش حاجه غير الكلام عن الصبيان امال هنضيع الوقت في ايه غير كده؟
سمسم :انتوا بتتكلموا عننا زى احنا ما بنتكلم عنكوا؟
سمسمه: طبعا يا ابنى ، انتا باين عليك ما تعرفش حاجه عن البنات؟
سمسم: بصراحه انا اول مره اتكلم فيها مع بنت، و انتى؟
سمسمه : انا اول مره اتكلم مع ولد زيك مبيكلمش بنات بس حاسّه انى مشدوده ليك اوى مش عارفه ليه؟
سمسم : ممكن اطلب منك طلب؟ ممكن تبطلى كلام مع الصبيان .
سمسمه: ايه احنا بدأنا نغير ولا ايه؟
سمسم: بصراحه انا لما سألت عنك قالولى انك بنت سهله وكده يعنى.
سمسمه: اللى ميعرفش يقول عدس ، و بعدين انا احب انه يكون عندى تجارب علشان اعرف اختار شريك حياتى اما اذا كنت هتدخل معايا في قصة حب مالوش لازمه الكلام احسن ، اوكى.
سمسم : انتى حّره بس انا حبيت انصحك لانى ما اعتقدش انى لما احب اتجوز هتجوز بنت ليها تجارب ، علشان البنت اللى من النوع ده ما تقدرش تحافظ على بيتى.
سمسمه: طب ما انتا بتكلمنى اهو و لا ايه يعنى ، اعتقد دى اسمها انانيه، انت ليك اخوات بنات؟
سمسم :ايوه بس دى ملتزمه و بتصلى و ما اعتقدش انها ممكن تكلم حد او تعرف شباب.
سمسمه معنى كده ان انا مش محترمه ؟
سمسم: بصراحه البنت اللى بتكلم صبيان في السن ده تبقى مش محترمه
سمسمه: و لما انت شايف انى مش محترمه بتتكلم معايا ليه؟
سمسم : اقولك الحق انا مش عارف ليه ، انا عمرى ما فكرت انى اتكلم مع بنت بس حسيت انى مشدودلك و مش عارف يا ترى اكمل كلام معاكى ولا اسيبك ، بس ممكن نكون اصحاب و في الاخر نشوف مين فينا اللى هيقدر يقنع التانى انه صح؟
و ادينا ما بنعملش حاجه غلط ، ماشى.
سمسمه : اوكى ، باى دلوقتى

سمسم هيبدأ المحاوله الاولى في انه يبعد سمسمه عن الصبيان ، بس يا ترى ليه؟؟؟؟؟؟؟؟
انا عارف ليه. ؛؛؛؛؛ اصله عاوز يفصل بنت على مزاجه محترمه قدام كل الناس بس ، متدينه بس شويه كده وشويه كده .........
يا تري ازاى؟؟؟؟؟؟؟؟؟؟؟؟؟؟؟؟؟؟
هو في حاجه اسمها شويه كده و شويه كده ،،
ادينا هنشوف ايه الموضوع ده
...................................الفصل السابع
(افكار غريبه)

التليفون بعد نص الليل
(الطبيعى بتاعهم)
سمسم: ممكن اطلب منك طلب و توافقينى عليه؟
سمسمه: اتفضل .........
سمسم:لو طلبت منك انك تبطلى كلام مع الصبيان توافقي؟
سمسمه:ممكن اعرف ليه ، اقنعنى وانا اقنعك و اكيد هنلاقي حل يرضى جميع الاطراف.
سمسم: بصراحه انا بدأت احبك و مش قادر افكر في حد تانى غيرك ، حاسس انك بقيتى كل حاجه في حياتىو ما اقدرش اعيش من غيرك انا ممكن اكون بالنسبه ليكى اخ و اب و صديق و كل حاجه بس بشرط؛؛؛؛؛؛؛ اننا ننفذ كلام بعض و نخاف على بعض و لمّا نشوف نفسنا بنعمل حاجه غلط ننصح بعض ، افتكر اننا لو بدأنا قصة حب طاهره و شريفه ممكن نكون لبعض فى الاخر و نعيش مع بعض في بيت واحد يجمع حبنا ، انا شاطر في المدرسه و هدخل كليه من كليات القمه و هقدر ابنى بيت و مستقبل يسعدنى انا و انتى و بعدين اللى اعرفه ان انا و انتى في نفس المستوى المادى و الاجتماعى و مفتكرش ان اهلك هيرفضونى لما اجى البيت. ؛؛؛ قولتى ايه؟
سمسمه: مش عارفه اقولك ايه بعد كل اللى انتا قولته انا اول مره احس ان في حد بيحبنى بالطريقه دى و بيخاف عليا كده انا مش عارفه بصراحه اقول ايه، مقدرش ارفضلك اى طلب انا حاسّه انى بحبك من قلبى بجد، اول مره اقابل واحد يقولى كل الكلام ده و بحس فعلا انه طالع من قلبك .
سمسم :صدقينى انا كل اللى قولته ده كان من قلبى ،انا حاسس لاول مره انى بحب؛ ممكن بقى تبطلى كلام مع الصبيان ولا لسه عاوزاهم؟
سمسمه: انا لو لفيت العلم كله مش هلاقي غيرك يقدر يدخل قلبى انا خلاص مش عاوزه غيرك و اتمنى اننا نكون لبعض ...........
سمسم:مع السلامه يا اول من احب قلبى.........
يا ترى ايه اللى هيحصل ممكن فعلا سمسمه تبطل كلام مع الصبيان و يا ترى سمسم هيعمل ايه بعد كده وهو بيحس لاول مره انه بيعمل حاجه صح؟؟؟
استنوا استنوا ايه ده ؟؟؟؟؟؟؟؟؟؟؟
سمسم بيحب سمسمه وهى كمان بتحبه بس ده لسّه بدرى قوى على الكلام ده ،دول يا دوبك لسّه في ثانوى........ الله اعلم بس لسّه بدرى اوى علشان نحكم على الحكايه
بعد كل اللى حصل بين سمسم و سمسمه كان فاضل ان سمسم يتأكد من ان سمسمه بتحبه طب ازاى؟؟؟؟؟؟؟؟؟؟؟؟؟؟؟؟؟
.......................................

الفصل الثامن
(سمسمه فى مشكله)

بعد مرور فتره طويله تقريبا 5 شهور كان لسّه صاحبنا سمسم بيعرف اخبار سمسمه بس من بعيد
المهم انه عرف ان سمسمه اتعرفت على ولد اسمه كوكى وصاحبنا كوكى ده مكنش بيسيب بنت في حالها اصله مقطع السمكه و ديلها
و لازم البنت اللى يكلمها متخرجش من تحت ايديه سليمه يعنى لازم ياخد منها اعز حاجه البنت ممكن تفقدها طبعا فاهمين
المهم اخونا سمسم لماّ عرف الموضوع ده كان لازم يتصرف و ده اللى عمله
طلب سمسمه وقالها الاتى
سمسم:انا عاوز اقولك حاجه بس تصدقينى
سمسمه: عاوز ايه تانى؟
سمسم: انتى بتكلمى كوكى؟
سمسمه :وانت مالك ايوه بكلمه عاوز ايه يعنى؟
سمسم:بلاش كوكى علشان خاطر اغلى حاجه عندك
سمسمه:ليه؟بتغير؟
سمسم:ابدا بس اصله مش كويس وبعدين انا عرفت انه عاوز يعمل معاكى حاجات غلط انا مقدرش اقولها
سمسمه:زى ايه؟
سمسم:انا ممكن اقولك بس من غير كسوف؟
سمسمه: ما تكملش انت باين عليك قليل الادب
سمسم:طب ممكن تسمعينى دقيقه واحده؟
سمسمه: قول
سمسم:لو بيحبك صحيح يبقى اكيد بيخاف عليكى وانا هثبتلك العكس بس نفذى اللى هقوله ماشى
سمسمه :ماشى
سمسم:اطلبى منّه انك تقابليه عنده في البيت علشان هو واحشك وانتى نفسك تاخديه في حضنك و المفروض انه لو بيخاف عليكى هيرفض ولو هو ده اللى عاوزه منك يبقى احنا عرفنا انه مش كويس و كل هدفه انه يلعب بيكى ايه رائيك ؟
سمسمه :موافقه
وطبعا لما طلبت سمسمه من كوكى انها تشوفه في البيت وافق و رحب بيها
وسمسمه عرفت انه بيلعب بيها وهنا وصلنا لبداية القصه الحقيقيه(الرجوع لسمسم)

بعد اللى عمله سمسم مع سمسمه اتأكدت سمسمه ان سمسم لسّه بيحبها ودار الحوار التالى

سمسمه:ممكن اطلب منك طلب
سمسم:اكيد انا تحت امرك.
سمسمه:ممكن نرجع نتكلم مع بعض تانى واوعدك انى مش هكلم حد تانى ابدا غيرك؟
سمسم:معتقدش انى ممكن ارجع اكلمك تانى لانك مش البنت اللى احلم انها تكون شريكة حياتى
،وبعدين انا عرفت ان كلامى معاكى مش هيجيب نتيجه انتى بنت لعبيه و تفكيرك سطحى
سمسمه:ممكن تساعدنى انى اكون بنت كويسه واوعدك انى هكون ليك انت وبس،انا حسيت
انك بتخاف عليا بجد وانك فعلا انسان محترم .
سمسم :انا ممكن ارجعلك بس بشرط ،انك تعّرفى ماما انك بتكلمينى علشان احس انى مش
بعمل حاجه حرام ،لو قدرتى تخلى ماما توافق يبقى انا هقدر اكمل معاكى،اوكى.
سمسمه:انا مقدرش اقول لماما انى بتكلم مع حد انت اتجننت,.
سمسم :خلاص انسى الموضوع ده مع السلامه.
...............................
يا ترى سمسم عمل الصح ولا ايه ؟؟؟؟؟؟؟؟؟؟
"سمسم فاكر انّه لما يكلم سمسمه بعلم مامتها يبقى مش حرام........يا حرام سمسم صاحبنا لسّه عبيط
المهم بعد المكالمه دى سمسمه بطّلت تتكلم مع الصبيان واتفرغت للمذاكره
اما صاحبنا سمسم فحالته حاله مش عارف فين الصح نفسه يتكلم مع سمسمه بس مش
قادر و الامتحانات على الابواب و مش قادر يذاكر يا عينى و خلصت الامتحانات
و سمسم كان عنده ماده ضعيف فيها و جاب فيها مجموع وحش بس هيدخل التحسين اصله
من جيل التحسينات...................................
استنوا لسّه فيه حاجه ده عمنا سمسم هيعمل مفاجاءه كبيره و هيتصرف
تصرف غريييييييييييييب جداااااااااا.............
تعالوا نشوف الفصل العاشر

ده الفصل العاشر و طبعا زى ماوعدتكم مليان مفاجأت

اهمها ان سمسم بيــــ.....ـ

ما تيجوا نشوف احسن

الحديقة العامة

سمسم كان بيتفسح مع زميله فى احدى حدائق المحافظه وقابل
بالصدفة سمسمه مع مامتها قاعده فى الجنينه وهنا
اخد القرار انه مش حيكلم سمسمه تانى .............
لالالالالالالالالالالالالالا
سمسم اخد القرار انه يتكلم مع مامتها تعالو ونشوف ايه الى حصل ؟؟؟؟؟

سمسم : السلام عليكم , انا سمسم جاركوا يا طنط انا ابن ....ماما وتبقى .....
الام : اهلا يا ابنى اتفضل اقعد معانا
سمسم ممكن اتكلم مع حضرتك على انفراد
الام : مش فاهمه يا ابنى احنا قاعدين لوحدنا ومفيش حد غريب دى سمسمه بنتى
سمسم : ممكن تسمعينى حضرتك من غير ما تفهمينى غلط .......
انا قبلت سمسمه من فتره طويلة وكنت بكلمها فى التليفون ولكن حسيت انى بعمل حاجه غلط
لانى من ورا حضرتك وعلشان كده قطعت علاقتى بيها وقررت انى ما اكلمهاش الا بعلمك لكن
سمسمه رفضيت تقولك لا نها خايفه .....
انا والله مش عاوز اعمل حاجه غلط او اقابلها من وراكى ولكن كل اللى انا عاوزه انى اكلمها
فى التليفون بس فى وجوديك طبعا , وانا عاوز اتقدم لسمسمه فى البيت بس لسه بدرى
ومش عاوز سمسمه ترتبط بحد غيرى , انا بحبها يا طنط ومش قادر انساها .... قولتى ايه يا طنط ؟
الام بكل برود : روح يا شاطر ولما تكبر ابقى تعالى انتا لسه صغير على الكلام ده
وانا لما اقابل مام هعرفها انك قليل الادب

سمسم كان فاكر انها سهله

اما طنط فضربت سمسمه علقه سخنه وما حاولتش تعرف ايه الحكايه حتى ما قعدتشمع بنتها
تعالج الموقف ........ وتعرف ايه اللى دفعها انها تعمل كدا .....

كانت فاكره ان الضرب هو الحل

كده انتهى الفصل العاشر و طبعا الفصل ال11 مليان مفاجات اكتر من اللى عدت يلا مستنيكوا بكره
الفصل الحادى عشر

(نتيجة الرد البارد من الام)

سمسمه:انا اسفه يا سمسم على رد ماما البايخ ،بس انت غلطان ،كان لازم تدينى فرصه انى امهد لها الموضوع
سمسم:هى عملت معاكى ايه؟
سمسمه:ولا حاجه ،مسابتش حاجه في البيت ممكن تضربنى بيها الا لما اخدتها على جسمى ،بس انا متعوده على كده،الحزام والسلك والشباشب والجزم ،عادى يا ابنى................
المهم انت هتعمل ايه دلوقتى ،انا كنت فاكراك نسيتنى
سمسم:مقدرتش و خصوصا لما عرفت من زمايلى انك ما بقتيش تكلمى صبيان...........
برافوعليكى
سمسمه:انا خلاص من بعد موضوع كوكى وانا حرمت اتكلم مع الصبيان بس حاسه انى محتاجالك،
ممكن نتكلم مع بعض ولو حتى كأننا اصحاب
سمسم:بعد اللى عملته مامتك معاكى وبالرغم من كده لسّه عاوزانى؟
سمسمه: انت كبرت في نظرى ،سمسم انا نفسى اكمل معاك بقيت حياتى ،ممكن تحبنى واوعدك انى مش هكون لحد غيرك
سمسم :انا مقدرش اعيش من غيرك ،انا نفسى تعدى السنين بسرعه واقدراعيش معاكى فى بيت واحد سمسمه :انا بحبك اكتر من روحى يا اغلى من حياتى يا كل عمرى..................

الفصل الثانى عشر

(سمسم وسمسمه في المصيف)

سمسم نسي ان وراه ماده لازم يذاكرها في الصيف علشان يدخل كلية القمه و كان كل همّه انه يقابل سمسمه في المصيف............

والد سمسم كان عارف ان ابنه دايما من الاوائل وعلشان كده كان سايبه براحته ومش بيتابعه.
يعنى ايه هو علشان ابنه من الاوائل يبطل يسأل عن اخبار المذاكره دى حاجه غريبه والله:
"""""المصيف؟؟؟؟؟؟؟؟؟؟؟؟؟؟؟؟؟؟؟
سمسم:انا اول مره احس انى فعلا في المصيف المصيف من غيرك ملوش طعم
سمسمه:المصيف من غير حب ميبقاش مصيف يا ابنى
سمسم:ماما وبابا فين؟
سمسمه :على البحر قدام الشاليه بتاعنا.ليه؟
سمسم:احسن حد منهم يشوفنا مع بعض.
سمسمه :اطمن يا ابنى انا قولتلهم انى عند مرمر زميلتى في الشاليه بتاعهم.
سمسم:برافو عليكى كده ناخد راحتنا في القاعده. هما مش ممكن يسألوا عنك هناك؟
سمسمه:لا طبعا هما فاضيين .البحر يجنن والقاعده واخداهم وناسيينى طبعا،سيبك منهم وخلينا مع بعض قولى كلام حب وانا اقولك كلام حب انت جايبنى هنا تسألنى عن بابا و ماما ولا ايه؟

الفصل الثالث عشر

(كلية القمه؟)

اخونا سمسم دخل الامتحان من غير ما يذاكر اصله كان في المصيف بيحب في سمسمه
والنتيجه معروفه المجموع ما مش حيدخله اى كليه من كليات القمه
سؤال؟؟؟؟؟؟:لازم يعنى كلية قمه ؟
انا اعتقد ان كل كليه اقدر اتميز فيها هى كلية القمه لكن بابا سمسم كان شايف ان الطب و الصيدله و الهندسه هى بس كليات القمه مع ان سمسم نفسه يدخل السياحه و الفنادق اصله بيحب السياحه اوى اوى اوى

المهم ان سمسم دخل كليه نظريه من غير نفس طبعا و اكيد بابا سمسم عرف ان الثقه ليها حدود وان المتابعه لازم حتى لو ابنى متفوق

(سمسم في الكليه)

عالم جديد و مثير وقابل و عرف و اتعرف على الكويسين والوحشين و لسّه بيحب سمسمه و مرتبط بيها من ورا مامتها لكن استنوا بابا سمسم جابله عربيه علشان يوفر المواصلات و علشان يعمل برستيج لابنه قدام الجيران و الاصحاب اكيد البرستيج مهم بس المتابعه اهم اصل سمسم كان بدل ما يروح الكليه كان يسافر بالعربيه للمحافظات المجاوره علشان طبعا يتفسح مع اصدقاء السوء وده من غير علم بابا سمسم بقى اجتماعى اكتر من اللزوم و عرف بنات كتير كتير كتير بيسافروا معاه في العربيه .طبعا من غير علم سمسمه بس في حاجه جديده

الفصل الرابع عشر

(الام عاطفيه)

سمسم رجع تانى لعقله و اتعرف على اصحاب كويسين و محترمين بس المشكله انهم مش متدينين.
وده كان بسبب سمسمه اصلها عرفت ان سمسم عرف اللى مش كويسين من البنات ايّاهم
و طلبت منّه انّه يبعد عنهم او يسيبها و طبعا كان الحل انه يبعد عنهم وبكده رجع لعقله تانى بس فاضل حاجه ........
سمسمه طلبت من سمسم انّه يتكلم تانى مع مامتها
لانها حاسّه انها بتعمل حاجه غلط و كمان نفسها انّها تتكلم مع سمسم براحتها...........
سمسم طلب ام سمسمه فى التليفون ودار الحوار التالى:::::::::::
سمسم:انا يا طنط لسّه بكلم سمسمه و لسّه عاوزها
، و بحبها ومقدرش اعيش من غيرها و افتكر انى لما اكلمها قدام عنيكى احسن ما اكون بتكلم من وراكى و انا و الله ما بعملش حاجه تغضب ربنا مع سمسمه علشان خاطرى يا طنط حسسينى انى بعمل حاجه صح في حياتى ادينى الحافز اللى يخلينى اكون مستقبل يليق بيّا انا و سمسمه
الام العاطفيه: مش عارفه اقولك ايه يا ابنى انا حاسّه انك بتتكلم من قلبك انا موافقه انك تتكلم مع سمسمه بس بشرط: تكلمها مره واحده في الاسبوع و قدامى و ما تحاولش تقابلها برّه اوكى
سمسم اوعدك انى هنفذ كل كلامك يا طنط ومش هتندمى.
............................................

فصل الخامس عشر

(التربيه؟)

في خلال اربع سنين كان لازم سمسم يستغل غياب دور اسرة سمسمه في التربيه و يحاول يربيها على مزاجه، يعنى من الاخر يفصّلها زى ما هو عاوز
و على قد ما يقدر يخليها البنت اللى تصلح تكون شريكة حياته و كان بيستغل اخته المحترمه في انه ياخدها مثل اعلى في تربيته لسمسمه
يعنى اللى بتعمله اخته دودى هو الصح و اللى مش بتعمله يبقى غلط ، وبكده اكيد هيقدر يقنعها ان هو ده الاحترام و الاخلاق بعينه ، بس من غير ما ياخد تدين اخته في نقطه تبعده عن سمسمه
يعنى كان بيقنعها ان كلامه معاها مش حرام و انه يقابلها في السر او انه يقبلها ام ويمسك ايديها او يحضنها ده عادى لانهم بيحبوا بعض و هيتجوزوافي الاخر(stop)
ايه ده
سمسم و سمسمه دخلوا في الاحضان و البوس
ايه اللى انت بتقوله ده ، هو مش كان حب طاهر و عفيف؟؟؟؟؟؟؟؟؟؟؟
ايوه ده كان في الاول مهما كان سمسم متدين او محترم بس ده التطور الطبيعى للقصص اللى من النوع ده
بتبتدى بكلمه و بتنتهى انهم لما مشاعرهم تحركهم (قصدى الشيطان يحركهم) لازم يقعوا في الغلط اصل البدايه غلط
سمسم كان بيعلم سمسمه ان الخروج من البيت بحدود و الكلام في الكليه ليه حدود و المواعيد اللى تتمشى فيها مع اصحابها ليها حدود .....
يعنى كل حاجه ليها حدود اّلا مع سمسم .......
سمسم هو بس اللى ملوش حدود اى طلب يطلبه يبقى صح.............
برافو عليك يا سمسم انتا ولد مفييش زيك اتنين

بعد مرور السنوات الاربعه
(خلصت الكليه)
كان سمسم بيشتغل علشان يثبت لنفسه انه يقدر يفتح بيت و يكون مسؤول عن اسره
(و جت المفاجئه الجايه(سمسم عاوز يخطب سمسمه؟الفصل اللى جاى حكايه

اتمنى تكون القصه عجبتكوا لحد دلوقتى و يا ريت اللى عنده تعليق يقولوا
الفصل السادس عشر
(ما قبل الخطوبه)

"سمسم و ابوه"
سمسم:بابا انا عاوز اطلب منك طلب بس من غير غضب.؟
الاب :عاوز ايه؟
سمسم:انا عاوز اتقدم لسمسمه بنت.......
انا مش هكلفك حاجه ،انا معايا حق الخطوبه ، و هعمل الدخله كمان سنتين لما سمسمه تخلص الكليه و قتها هكون قدرت اكون فلوس الجهاز و اقدر اكمل اللى ناقصنى فى الشقه بس انا عاوزك معايا تساعدنى و تشجعنى ان الموضوع ده يكون حافز ليّا انى اقدر اكون مستقبلى بسرعه
ولا انت مش عاوز تشوف احفادك من ابنك سمسم؟
الاب: انا مش مقتنع بأى كلمه من كلامك انا مش فاضى للهيافه دى.
..........................
سمسم راح لمامته علشان تتكلم مع ابوه تانى و تحاول تقنعه بالموضوع..........
كانت النتيجه ان الاب اقتنع بعد عدة محاولات من الام و الاخت و سمسم طبعا.........
اما بالنسبه لبيت سمسمه فمكنش فى اى مشكله لان والد سمسم معروف انه مسئول كبير في الحكومه و ليه و ضعه و اكيد هيساعد ابنه في الجواز وشرف لاى عيله انها تناسبه...........
الاب كان شايل مفاجئه كبيره بس مش وقتها)
بصراحه عاجبنى اوى الراجل ده اصله اب محترم جدا و عاقل جدا.طبعا انا قصدى والد سمسم.
المهم حفلة الخطوبه

الفصل السابع عشر
(حفلة الخطوبه)

:اكيد كلنا عارفين ان الحفله كان فيها فساتين سواريه و رقص وطبل و بنات عاوزين عريس يشوفهم وهما بالميك اب

واكيد اغانى عمرو فؤاد و حكيم و نانسى و اليسا كانت مولعه في الحفله
................................
و طبعا في وسط الاغانى دى كان لازم نقرأالفاتحه.
ممكن تقولولى ازاى نسمع الاغانى دى و فى نفس الوقت نقرأ الفاتحه ان ربنا يبارك في العلاقه دى
........................
ازاى سمسم كان فرحان و سمسمه بترقص و سط اصحابه و هى لابسه من غير هدوم:
الوحيده اللى عاجبانى في الموقف ده دودى اخت سمسم
حضرت فى الاول علشان سمسم ميزعلش و اتحججت انها عندها صداع و كان لازم ترجع البيت لانها مش قادره تستحمل كل المهاذل اللى بتحصل قدامها...
كان لازم تتخذ موقف ايجابى مش بس تخرج لكن كان لازم تقدم النصيحه ليهم قبل ما تخرج لكن اهى خرجت و خلاص

الفصل الثامن عشر
(الخطوبه و اللى بيجرا فى الخطوبه )

اول يوم خطوبه.......
سمسم:اخيرا يا حبيبتى بقينا نخرج قدام الناس من غير منخاف،اخيرا اقدر امسك ايدك قدام الناس كلها ،اخيرا الدبله بقت بتلمع في ايديكى
سمسمه:اخيرا يا حبيبى اقدر ارفع عينى قدام اصحابى و اقول خطيبى اللى معايا مش اى حد تانى
سمسم:انا نفسى الايام تجرى و اقدر اعيش معاكى في بيت واحد.
سمسمه :امتى بقى يا حبيبى اليوم ده ييجى؟
سمسم: قريب يا حبيبتى.
.......................................
حد يسألنى هما فين دلوقتى؟؟؟؟؟؟؟؟؟
سمسم و سمسمه خرجوا يتفسحوا مع بعض بمناسبة اول يوم خطوبه و طبعا بعلم الاب و الام و دون وجود اى حد معاهم؟؟؟( ما هو ده اللي بيحصل في الخطوبة بس ده مش معناه انه صح)
و اتكررت حكاية الخروج دى كتير و طبعا في كل موسم و في كل عيد ولازم عيد الام و عيد الاب كان صاحبنا سمسم يشترى الهدايا
و بدل ما سمسم يكون الشقه و يبنى عش الزوجيه كان لازم يتصرف حسب العادات و التقاليد و يجامل عيلة سمسمه و الا يبقى قليل الذوق.....:
و بطبيعة الحال تطورت العلاقه بين سمسم و سمسمه و كانت الفرصه اسهل بعد الخطوبه انهم يختلوا ببعض اصله خلاص بقى خطيبها مش اى حد تانى (تقولش خلاص كتب كتابه عليها)

الفصل التاسع عشر
(الخطيئه؟؟)

سمسم وسمسمه زى اى اتنين عاشوا قصة حب طويله كان فيها الحلو و الوحش
الحب عذاب عذاب عذاب.......
الطبيعى ان العلاقه لما تزيد عن حدها تنقلب للعكس
القاعدات المستمره بين سمسم و سمسمه دون وجود رقيب و الكلام الحلو اللى في الاغانى و المناظر المستفذه اللى في الكليبات و الافلام كان لازم يكون ليها تاثير سلبى على العلاقه بين سمسم و سمسمه
....... ازاى تطلبوا منهم انهم يكونوا محترمين مع بعض و انتوا سايبينهم يخرجوا لوحدهم تحت راية الثقه ازاى يقدروا يمسكوا نفسهم عن الخطيئه وكل اللى بينهم مبنى على الخطأ العلاقه من البدايه خطأ (ما بنى على خطأ(......
سمسم عاوز يكمل مع سمسمه بس سمسمه لبسها شويه اوفر ،محجبه لكن الحجاب الموضه(الضيق(
بتصلى بس لما تكون( فاضيه)
مبتكدبش على( سمسم) لكن ممكن تكدب على ماما و بابا.............
سمسم مع نفسه :انا بحبها ،بثق فيها،مش بتكلم غيري ،مش بتزعلني،بترضينى بكل السبل،جسمها حلو،رقيقه،دمها خفيف،بمسك ايديها،ببوسها،بحضنها،نفسى اكمل بقى .هومش من حقى ولا ايه؟
انا خطيبها و هتجوزها يعنى مش بضحك عليها او عاوز استغل حبى ليها
يبقى ليه مش من حقى المسها :........( كملت يا سي سمسم )
سمسمه مع نفسها :الواد سمسم ده روحى،انا بحبه اوى بيعمل كل حاجه علشانى،كل الكلام الحلو اللى بسمعه في الاغانى و الافلام بيطلع من قلبه
انا بحبه بجد................:
.........................................
........................................
..........................................
سمسمه قاعده قدام التليفزيون بتتفرج على فيلم رومانسى:
البطل بياخد البطله في حضنه و بيدخلوا غرفة النوم و طبعا عارفين الباقى ............. اصل الدش المركزى دخل كل بيت و ما بقاش في رقابه على الافلام
و فجأه التليفون يرن.............:
سمسم:وحشتينى اوى يا روحى.
سمسمه : وانت كمان انا كنت لسّه بفكر فيك.،و كان نفسى تكون قدامى دلوقتى.
سمسم:اشمعنى دلوقتى؟
سمسمه : اصل الفيلم فيه البطل اخد حبيبته في حضنه و انت عارف الباقى يا سمسم
سمسم:نفسى انا كمان اخدك في حضنى .
سمسمه :امتى بقى يا حبيبى ؟
سمسم:انا بابا و ماما مسافرين بكره علشان يكشفوا على دودى اختى ايه رأيك تجيلى بكره و نقعد مع بعض لمدة نص ساعه بس و بعدها نخرج؟
سمسمه:و الجيران؟ هيقولوا ايه؟
سمسم:عادى خطيبتى و جايه ليا علشان نخرج مع بعض فيها حاجه دى؟
سمسمه : مش عارفه(خلي بالكم ان لسّه الفيلم شغال و الشهوه نار و الشيطان بيلعب فى دماغ سمسمه
سمسم : انا خلاص مش قادر استحمل انك تكونى بعيده عنى ،انتى مش و اثقه فيا ،انا خطيبك و حبيبك ،و بعدين انا عاوز احضنك براحتى بس مش اكتر،قولتى ايه؟
سمسمه:انا موافقه بس بشرط، تحضنى براحتك وبس مش اكتر انا مش عاوزه اندم انى وافقت.
سمسم:اوعدك،انتى ناسيه انك اغلى حاجه عندى.........................................
نامت سمسمه و سمسم وهما بيحلموا ببكره
الفصل العشرون
(الشيطان شاطر)

بعد الحلم الجميل بين سمسم وسمسمه..........

في الصباح سافر الاب و الام والاخت الى القاهره لان دودى مريضه (مش عارفين ان سمسم مريض بس من نوع تانى...........)

التليفون..........
سمسم: انا مستنيكى يا سمسمه البيت فاضى دلوقتى
سمسمه: بلاش احسن يا سمسم انا خايفه اوى
سمسم : انتى خايفه انك هتكونى معايا؟
سمسمه: مش قاصدى انى خايفه منك ،انا خايفه ان حد من عندى يشوفنى وانا جايه عندك
سمسم: لو حد شافك من عندك قوليلهم انك كنتى عندى وان ماما كانت في البيت و انك كنتى رايحه الكليه معايا علشان اوصلك بالعربيه
سمسمه: مش لاقيه سؤال من غير جواب (اصل الشيطان بيرد مش سمسم)
سمسم: انا مش هستنى كتير لو مجيتيش انا هاعرف انك مش واثقه فيّا
سمسمه: متقولش كده ، انت عارف كويس انى بثق فيك اكتر من نفسى
سمسم: طب يلا بقى انا مستنى..... بعد نص ساعه جرس الباب يرن و يفتح سمسم الباب
(((لاول مره بيحس سمسم ان سمسمه اجمل من اى وقت فات)))
الشيطان هو اللى في عنيه مش سمسمه.................
بعد عدة كلمات من الغزل و الهيام و العشق و الفتنه تقع سمسمه في احضان سمسم و لكن لم يحدث بينهم شيئا لان ربنا كان رحيم بيهم و قبل ما يحصل اللى كان عاوزه سمسم دق جرز الباب و فى هذه اللحظه فاقت سمسمه مما كانت فيه و تركت سمسم و مشيت و هى تقول الحمد لله الذى انقذنى من الموقوع فى الخطيئه

الفصل الحادى و العشرون
(ماقبل الزواج؟)

زى ما قلت قبل كده سمسم كان مضطر انّه يوفى بكل المواسم و الاعياد
وعلشان كده الخطوبه بدل ما تكون سنه بقت اتنين.(الرحمه يا ناس)
سمسمه فضلت اسبوع كامل مش قادره تتكلم مع سمسم وخجلانه من نفسها(الكرامه بقى).
اما اخونا سمسم بعد ما قدر يكمل كل اللى فاضل في الشقه و بدون اى مساعده من والده (اصل بابا عاوزه يبقى راجل) بس كان بيساعده معارض التقسيط المريع (المريح).
زادت الديون على صاحبنا و حجز القاعه في فندق ال...... على البحر.
و كان فاضل على الفرح تقريبا3شهور....؟
المهم دار الحوار التالى بين سمسم و سمسمه::::
سمسم: انا اتخنقت من الاقساط دى انا مش عارف اعمل ايه و بابا رافض يساعدنى (اب جدع) سمسمه انا مش لاقى حل و لسّه فاضل تقريبا حاجات محتاجه الفين جنيه
سمسمه: انا ممكن اساعدك بس نخلص انا اتخنقت انا كمان.
سمسم:مستحيل اخد منك فلوس انتى اتجننتى.
سمسمه:حبيبى مفيش بينا فرق ،انا وانت واحد انتا ناسى انا مين ، انا روحك و عمرك و حياتك ،انا اغلى من كل حاجه و انت عندى اغلى من روحى
سمسم وافق انه ياخد من سمسمه الفلوس ،اصل مفيش فرق بينهم.........
بس حصل مفاجئه غريبه ممكن تجننى (انا اتجننت خلاص)...............
الفصل الثانى و العشرون
(القرار الذى ندم عليه الجميع)

فجر و الد سمسمه مفاجئه غريبه جدا
اسمعوا اللى جاى .............
ابو سمسمه:ايه يا ابنى يا سمسم عملت ايه خلصت الجهاز و لا لسه فاضل حاجه؟
سمسم:الحمد لله يا عمى مش فاضل حاجه من ناحيتى.
الاب: طب يا ابنى جبت القطن علشان المراتب؟
و جبت النجف و السجاد و الموكيت و الستاير؟
سمسم:لا طبعا انا لمّا اتفقت قبل كده مع حضرتك ما كانش الحاجات دى مطلوبه منى ، وانا كنت فاهم ان الحاجات دى عليكوا مش علّيا.........
الاب: يا ابنى احنا ساعدناك و جبنا المطبخ بالكامل،و جبنا اوضه من الخمسه اللى في الشقه و كمان جبنا المكنسه و السخان ، عاوز تجننى ولا ايه؟( لاحظوا ان الشقة خمس اوض ، )
( رحمتك بالعرسان يا رب )
) سمسم: انا جبت اربع غرف تليفزيون و دش و فيديو،وتكييف و حاجات تانيه كتير و جهزت الديكور على احدث مستوى
الاب:هو ده اللى عندى انا مش ناقص قرف
سمسم: الكلام يبقى بالراحه مش كده يا عمى
احنا عيله واحده
الاب:انا اتخنقت منك ،داخل خارج مع البنت كل يوم و كمان مش قادر تكمل المطلوب منك
انت ايه عيل ولا ايه؟
سمسم: انا ما اسمحلكش انك تتكلم معايا بالاسلوب ده
انا مش هقدر اكمل كلام دلوقتى شكلك غضبان و انا هتكلم مع حضرتك بكره
.................................
و بكره عدى من غير اى تطورات بس دار الحوار التالى بين سمسم وسمسمه.....
سمسم:عاجبك الكلام اللى قاله ابوكى ده؟
سمسمه:مش عارفه ليه بابا بيعمل كده ،ده حتى ماتكلمش معايا او حتى مع ماما، بس عادى يا حبيبى انا لسّه فاضل معايا في الدفتر الف جنيه خدها و بعدين ربنا يحلها.
سمسم:الموضوع مش موضوع فلوس الموضوع ان والدك ما اتفقش معانا على كل ده ،و بعدين من امتى العريس بيجيب القطن و السجاد و الستاير و الحاجات دى؟
سمسمه:بصراحه الحاجات دى حسب الاتفاق.
سمسم:ابوكى على فكره بيعقد الموضوع مش اكتر شكله كده بخيل و بعدين انا حاسس انه عاوز يبعدنى و خلاص ،بصراحه ابوكى متخلف اوى.
سمسمه:ارجوك يا سمسم من غير غلط في بابا انا ما اسمحلكش انك تشتمه.
سمسم: بس دى الحقيقه و بعدين انتى معايا ولا معاه.
سمسمه :انت حاجه و بابا حاجه تانيه.
سمسم:مش فاهم ،انتى قاصدك انى اسمع كلامه و اجيب اللى طلبه منى؟
سمسمه: المفروض. و انا قلتلك انى هساعدك
سمسم:سبيها لله انا هشوف الموضوع ده.
.........................
سمسم مع ابوه و امه و اخته.........
سمسم: بابا ، البيت عند سمسمه طلب منى انى اجيب (كذا وكذا و كذا(
اعمل ايه معاهم؟
الاب: لا طبعا هو اتفاق عيال الحاجات دى مش من حقهم يطلبوها ، ولو وافقت تبقى اهبل.
الام: يا ابنى الاتفاق مكنش على الحاجات دى و احنا كنا سايبنها مفتوحه لان مفيش فرق بينا بس اكيد ليها حل.
دودى: اخويا حبيبى ،اللى اعرفه ان اللى يتنازل في الحاجات الصغيره يتنازل في الكبيره ، وانت اتنازلت في حاجات كتير علشان ترضى سمسمه
انت جبت حاجات كتير غاليه كانت بتطلبها ام سمسمه و زنقت نفسك في الاقساط و نفذت كل اللى هما عاوزينه لمجرد انك تسهل الموضوع ،و بعدين سمسمه كانت بتساعدك و ده غلط،كان لازم يكون ليك واقفه معاهم علشان طلباتهم مش تعدي المعقول، بص يا سمسم انا هقولك على الحل
...........
انت ترفض انك تجيب الحاجات دى و تطلب من سمسمه انها تتدخل في الموضوع و هى لو ليها شخصيه قويه و بينت قدامهم انها مش هتقدر تسيبك علشان الحاجات الهايفه دى اكيد هيوافقوا انهم يكملوا سواء بالطلبات دى او من غيرها
..............................
سمسم عرض الموضوع على سمسمه و كلمها هو و اخته و كانت النتيجه ان والد سمسمه و امها،
اصّروا على موقفهم او ان الموضوع يتفركش(بكل سهوله)
الان سمسم امام موقف صعب؟؟؟؟؟؟؟؟؟؟؟؟
اما ان يرضى بطلبات العائله الكريمه او انه يشترى كرامته و يضحى بسمسمه و حبهم لبعض،و يكون راجل امام نفسه و امام اسرته؟؟؟
ماذا تفعل لو كنت مكانه؟؟؟؟؟؟

يا ريت الشباب معانا يجاوبوا على السؤال

سمسم و سمسمه........
سمسم:انا مش عارف اعمل ايه ،انتى مش قادره تقنعيهم انى خلاص ما عنديش مقدره انى اشترى كل الحاجات دى ، انتى ايه مش ليكي رأى في البيت؟
سمسمه:بابا مصّر على موقفه و مصمم انه حيجيب حاجه تانى و انا قولتلك انى مستعده اساعدك و نخرج من الموقف ده.
سمسم:و انا مصمم انى خلاص مش هجيب حاجه تانى ، يبقى ايه الحل؟
سمسمه:يبقى انت عاوز تخسرنى.
سمسم: انا عاوز اشتري كرامتى و ابقى راجل قدامك و عندى كرامه انتى مش فاكره ابوكى كان بيتكلم معايا ازاى اخر مره
سمسمه:بس انت كده يبقى عاوز تنهى كل اللى احنا عملناه في خمس سنين .انت مستعد لكده؟
سمسم:انا بحبك و عاوز اكون معاكى ،بس، مش على حساب كرامتى انا و عيلتى و فنفس الوقت انا حاسس انى مش مرغوب فيّا عندك في البيت من اكتر من 3شهور ،مش عارف ليه، و بعدين المسأله ان ابوكى عاوز يطفشنى من الاخر.
سمسمه:و انت عارف كل ده و عارف انه عاوز يبعدنى عنك و موافق انك ترضى باللأمر الواقع و تستسلم بكل سهوله،انا اغلى عندك ولا كرامتك؟؟
سمسم:كرامتى من كرامتك ، انا و انتى واحد ،ولو انتى شايفه انه عادى انى اسمع لاهلك ، يبقى انتى كمان ما عندكيش كرامه.
انتهى الحوار..................

سمسمه مع ابوها...............
سمسمه:بابا انا مش هقدر استغنى عن سمسم ، و مفتكرش انى رخيصه عندك لدرجة ان سعادتى تقدرها بشوية طلبات هايفه زى دى؟
الاب:انتى علشان غاليه عندى انا مش عاوزه يحس انك رخيصه، عاوزه يحس بقيمتك.
سمسمه:و انا عارفه انى غاليه عنده.
الاب:لو كنتى غاليه ماكنش فكر انه يتأخر عن اى طلب ليكى،و بعدين انا مصمم على موقفى و عرّفيه ان الحاجات دى لو ماجتش في خلال اسبوع يبقى ينسى انه ممكن يدخل البيت ده تانى.
.................................

سمسم و سمسمه..........
سمسمه: بابا مصمم على موقفه ، و انت مصمم على موقفك و انا اللى هتظلم بينكوا
سمسم:مش عارف اقولك ايه بس انا قلت اللى عندى،انا مش مستعد اجيب حاجه،و مش موافق انى اخد منك اى مساعده تانى ، وده قرار نهائى
سمسمه: يبقى انت اللى اخترت انك تسيبنى،انا كنت فاكره انى غاليه عندك.
سمسم:انتى اغلى من كل حاجه بس انا مقدرش اكون عيّل قدام نفسى و قدام اهلى و كمان انا خلاص اللى عندى قولته
بس لازم تعرفى قبل ما اقفل انى بحبك و هييجى اليوم اللى تعرفى فيه انى حبيتك من كل قلبى و سيبيها لله مين عارف ممكن تتحل من غير ما ندرى..................
يا ترى ايه اللى هيحصل بعد سمسم ما اخد القرار النهائى ده..........

اكيد يستاهل لقب الحصان الاسود.........
تابعوا الفصل القادم(الترابط ؟؟؟؟؟)
الفصل الثالث و العشرون
(الجواز؟؟؟)

وبعد مرور اسبوع........
محصلش حاجه ، الاب مصمم،سمسم مصمم،سمسمه خلاص ابوها خلاّها تقلع الشبكه و تسلمهاله علشان يديها لسمسم...........
سمسم في بيت سمسمه...........
الاب:خد يا ابنى الدهب بتاعك و ربنا يسهلك مع واحده تانيه.
سمسم: شكرا يا عمى ، بس في كلمه اخيره؟
سمسم:انا حبيت بنتك و شايف انى خلاص مش هقدر ادخل بيت تانى ،بنتك عندى اغلى من اى حاجه،لكن انا مقدرش اكمل في بيت رافض انه يقف جنبى و يكون رحيم، وصدقنى انا لسّه عاوزها فلو في عندك شوية رحمه و بتحب بنتك بجد ، ارجوك ارجع عن رأيك.
الاب: بنتى انا اعرف الاقيلها اللى يقدرها و يصونها ، وبكره تعرف
........................استنوا
سمسم قبل ما يخرج من البيت نظر في عيون سمسمه اللى و اقفه ورا الباب .
كانت نظره كلها حزن ، مكنتش فيها دموع بس كان فيها امل في بكره،................
استنوا ده في حاجه تانيه...........
سمسم قبل ما يخرج من البيت نسى ياخد حاجه من سمسمه.؟؟؟؟؟؟؟؟؟؟
عارفين سمسم نسي ياخد ايه؟؟؟؟؟؟؟؟
نسي ياخد قلبه قلبه قلبه
او تقدروا تقولوا انه سابه ليها هديه
هديه تقولها مقدرش في ليله انام من غير ما اقولها بحبها:
.........................................
يا ترى سمسم اخد القرار الصحيح؟
يا ترى سمسمه كانت سلبييييييييه؟
....................................... ايه ده؟
انت مش قلت ان عنوان الفصل الجواز؟
اةةةةةةةةةةةةةةةةةةةةةةةة
نسييييييييييييييييييت
....................................
بعد مرور اقل من شهر كانت خطوبة سمسمه على ؟؟؟؟؟؟؟؟؟؟؟؟؟؟؟؟
تفتكروا مين؟؟؟؟؟؟؟؟؟) أهلا وسهلا)
واحد من اصحاب سمسم
ازاى؟

و سمسمه وافقت بكل سهوله؟
هو ده الحب؟
لا يا جماعه . الموضوع ان سمسمه بعد كام يوم بابا دخل عليها و قال........
الاب:انتى لسه زعلانه يا بنتى؟انا كنت عاوز اجوزك جوازه تكونى فيها ملكه ، و اديكى شفتى ان سمسم اتنازل عنك بكل سهوله...
......................................
كل يوم بابا و ماما يدخلوا على سمسمه و يعملوا ليها غسيل مخ ، شويه شتيمه في سمسم وشويه في عيلته لحد .........؟؟؟؟؟؟؟؟؟؟؟؟؟؟؟؟
...............
بعد اسبوعين اتقدم لسمسمه واحد من اياهم؟؟؟؟
اللى بابا ( مساعده في كل حاجه)
شاب جاهز من كلّه(الشقه-العربيه-شاليه في شرم الشيخ-شبكه ب20الف-و كمان الشاليه هيبقى بأسم سمسمه) .............
مع بعض الضغط من والد سمسمه وبعض المغريات اقنعت سمسمه نفسها ان سمسم اتخلى عنها و ان الحل انها توافق و اكيد اللى جاى ده مش هيخليها نفسها في حاجه .................
و بعد خطوبه استمرت شهر و نص مقعدتش سمسمه مع العريس فيها اكتر من مرتين تلاته
كان الفرح في اكبر فنادق الاسكندريه على البحر
.....................................
كان فرح حكايه كلّو سواريه و اغانى و رقص على العريان
بس يا عينى ....سمسمه ماكانتش فرحانه
بس مستسلمه للامر الواقع

تابعوا الفصل القادم(الجواز على اللى عاوزين يتجوزوا)

الفصل الرابع و العشرون
(الجواز على اللى عوزين يتجوزوا)

لاحظوا التالى...........
..الفارق المادى بين عيلة سمسمه و العريس كان كبير(لصالح العريس)
الفارق الاجتماعى بين العائلتين كبير(لصالح سمسمه(
الجواز تم دون اى مراعاه لتلك الفوارق و ايضا دون النظر الى الدين (مفيش تدين في العائلتين)
النتيجه.....................
بعد يوم و يمكن اتنين اكتشفت ام سمسمه ان بنتها لسّه عذراء(

سمسمه مش قادره تحب جوزها، وفي نفس الوقت صاحبنا مش رومانسى و عاطفى زى سمسم
ده طبعا اللى في دماغ سمسمه:انا مش قادره احبه، انا حاسه انه حيوان مش انسان
لالالالالالالالالالالالالالالالالالالالا
انا انسانه و ليّا مشاعر و احاسيس
فينك يا سمسم؟؟؟؟؟؟؟؟؟؟؟
المشكله ان صاحبنا فعلا همجى و تصرفاته مفيهاش اى نوع من المراعاه لمشاعر الزوجه.
و الحل؟؟؟؟؟؟؟؟؟؟؟
اهل العريس فهموه الصح و اهل سمسمه طلبوا منها انها تساعده بس للاسف مفيش نتيجه.......
(الانطباعات الاولى تدوم)
سمسمه مش قادره تتجاوب مع الوضع الجديد
و العريس حاسس( ولاول مره يحس) ان سمسمه مش عاوزاه و ان لسّه سمسم جوا قلبها
و الحل............... فين الحل؟
سمسمه: زى ما دخلنا بالمعروف نخرج
العريس: نعم يا اختى ، هو احنا لسّه دخلنا؟
انتى فاكراها سهله؟ انا صارف دم قلبى عليكى
سمسمه: انتا فاكر نفسك اشتريتنى بفلوسك؟
العريس:ايوه امال انتى فاكره ايه؟ ابوكى من قبل ما حتى تسيبى خطيبك الاول وهو مواعد ابويا انك ليّا و قابض من ابويا 50 الف جنيه مقدم ، علشان يشترى العربيه ، انتى فاكره ان ابوكى راكب العربيه منين؟؟؟؟؟؟؟؟؟؟؟
سمسمه فى سرّها: يا نهار انا رخيصه اوى كده:
و الله ما انا قاعده في البيت القذر ده ثانيه واحده
سمسمه: انا سايبه البيت و الفلوس اللى دفعتها هترجعلك تانى ، انا مش بيعه و شروه انا انسانه
.....................................
تابعوا الفصل القادم(الحصان الاسود)

الفصل الخامس و العشرون
( الحصان الاسود)

في خلال الفتره التى مرت كانت دودى اخت سمسم قدرت انها تاخد سمسم من احزانه
رجّعت تانى سمسم بتاع ثانوى (المتدين(
سمسم بقى واحد تانى خالص.....:
هو احنا كده لازم ناخد على دماغنا علشان نعقل.
.........بس فى حاجه؟ سمسم والله لسّه بيحب سمسمه ما كانش يعرف انها مش سعيده، بس كان بيدعيلها دايما انها تكون سعيده مع اخينا(ميعرفش اللى فيها)
.........................................
نرجع تانى لسمسمه........
لاول مره سمسمه تاخد قرار فيه ايجابيه؟؟؟
سمسمه صممت على الطلاق دون رجعه.......
مش علشان خاطر سواد عيون سمسم(لالالالالالا)
لانها انسانه مش بضاعه(ده كده ايجابيه)
............................
يا ترى مين الحصان الاسود؟؟؟ ؟
عارفين مين الحصان الاسود؟
من كام سنه فاتت قولتلكوا ان والد سمسم راجل جدع مش بس علشان كان عاوز سمسم يقف على رجليه و يعتمد على نفسه( لالالالالالالالالالا)
والد سمسم عرف كل حاجه عن موضوع سمسمه
منين؟ الله اعلم؟الحيطان ليها ودان؟
المهم ان والد سمسم اول ما عرف الموضوع راح على طول و حل المشكله مع اهل العريس وقدر يقنع والد سمسمه ان اللى عمله ده كان غلط في غلط و قدر فعلا انه يرجع سمسمه لبيت ابوها بعد ما اتنازلت عن كل حقوقها في سبيل الطلاق ..؟..
و كان و الد سمسم في منتهى العقل و الحكمه في تصرفاته مع العريس و ابوه و مع والد سمسمه و سمسمه نفسها( راجل جدع بجد)

الفصل السادس و العشرون
(الترابط)

بعد مرور سمسمه من التجربه الفاشله دى كانت محتاجه لحد ياخد بأيديها و يخرجها من اليأس و الشعور بالضياع .......
و هنا نرجع تانى للملاك اللى في القصه دى و احنا مش حاسّين بيه.......
الملاك ده هو القدوه اللى كانت المثل الاعلى لسمسمه في بدايه تربيه سمسم لسمسمه
الملاك بتاعنا هو اقرب الناس لسمسم دلوقتى
الملاك ده اسمه دودى (ربنا يحرسها(
دودى اول ما عرفت ان سمسمه مش بتخرج من البيت و حابسه نفسها في البيت ، و مش بتكلم حد
كان لازم ترجع دودى تاخد دور القدوه لسمسمه بس المره دى بجد
دودى اخدت بيد سمسمه و عرّفتها على الاخوات المحترمات اللى انتشلوها من حالة اليأس و عرفوها الايه دى(
بسم الله الرحمن الرحيم
)قل ان كان اباؤكم وابناؤكم و اخوانكم وازواجكم و عشيرتكم و اموال اقترفتموها و تجاره تخشون كسادها و مساكن ترضونها احب اليكم من الله و رسوله وجهاد في سبيله فتربصوا حتى يأتى الله بأمره و الله لا يهدى القوم الفاسقين(
.................صدق الله العظيم
اللهم اهدنا جميعا يا رب امين
..........................................
و بكده قدرت سمسمه انها تخرج من القوقعه اللى كانت فيها و رجعت تانى ان الاسلام هو الحل مش سمسم او غيره ...........
و كمان سمسم قدر يعرف ان الحب قبل ما يكون لسمسمه .. فلازم يكون لله عز وجل
:
الباقي جاي في السكة حالا

الترابط الاسرى بين اسرة سمسم و سمسمه
رجع تانى زى الاول و اكتر و الحمد لله وخصوصا بين دودى و سمسمه
المهم ان فاضل حاجه مهمه و اكيد كلنا عاوزين نعرفها :: يا ترى ايه اللى هيحصل بين سمسم و سمسمه؟؟؟؟؟؟
سمسمه و دودى فى منزل سمسمه::::::
سمسمه:ايه اخبار سمسم دلوقتى؟
دودى : من اى ناحيه الماديه,الاجتماعيه,النفسيه؟
سمسمه:كل حاجه.
دودى:هو بدأ يرجع تانى للشغل و قدر انه يكمل كل الاقساط القديمه و الحمد لله انه رجع تانى يقرب من الله و دى اهم حاجه عندى.
سمسمه: هو ماعدش بيسأل علّيا؟
دودى : انتى مجنونه ,دى اول حاجه بيسألنى عليها اول ما يشوفنى:: انتى عبيطه
سمسمه:ممكن اطلب منك طلب؟
ممكن تسأليه اذا كان عاوز يرجعلى بس من غير ما يعرف انى انا اللى سألت.
دودى: ماشى يا عم التقيل بس انتى عاوزه ترجعى بجد و لا بتشوفى هيقول ايه؟
سمسمه:انا هقولك بس بينى و بينك,انا فتحت الموضوع مع بابا و هو موافق من غير شروط و ده طبعا بعد اللى عمله و الدك معاه في موضوع طلاقى.
......................................
دودى مع امها و ابوها:::::
دودى شرحت كل الكلام اللى حصل بينها و بين سمسمه لوالدها و و الدتها و بصراحه مكنش في حاجه تمانع العوده و مكنش فاضل غير ان سمسم و دودى يدور بينهم الحوار اللى جاى .
و ده فصل لوحده ؟؟؟؟؟؟؟؟؟؟
تابعوا معى اجمل ما في القصه

[ندعوك للتسجيل في المنتدى أو التعريف بنفسك لمعاينة هذه الصورة]تسلم ايدك يا أحمد

شكرا لمرورك يا حسين
بجد نورت الموضوع

ياسلاااااااااااااااااااااااااااااااااام جميييييييله جدااااااااااااااااااااااااااا

تسلم ايدك يا احمد

بس انا عاوزه اقولللك ع حاجه يا احمد انا قريت القصه دى ع 3 مرات من دخولى المنتدى

بس بصراحه حلوه اوووووى [ندعوك للتسجيل في المنتدى أو التعريف بنفسك لمعاينة هذه الصورة]

طب كويس انك قرتيها
شكرا لمرورك الجميل يا دونه
دايما منوره مواضيعي

» أفكار رومانسية ..... للحب
» قصة بنت عمياء.... لا يفوتكم !! والله قصة جامدة
» صور سيارات 2010 روعه والله
» العاشق والوردة الحمراء (والله حلوة تعجبكم )
» صور غريبه ادخل وشوف